2015 jylǵy 23 aqpan Astana qalasy
Jeke kúzet uıymdarynyń kúzetshi laýazymyndaǵy qyzmetkerleriniń arnaıy kıim úlgilerin jáne ony kıip júrý qaǵıdalaryn bekitý týraly
«Kúzet qyzmeti týraly» Qazaqstan Respýblıkasynyń 2000 jylǵy 19 qazandaǵy Zańynyń 15-babynyń 4-tarmaǵyna sáıkes buıyramyn:
1. Qosa berilip otyrǵan:
1) Jeke kúzet uıymdarynyń kúzetshi laýazymyndaǵy qyzmetkerleriniń arnaıy kıim úlgileri osy buıryqqa 1-qosymshaǵa sáıkes;
2) Jeke kúzet uıymdarynyń kúzetshi laýazymyndaǵy qyzmetkerleriniń arnaıy kıimdi kıip júrý qaǵıdalary osy buıryqqa 2-qosymshaǵa sáıkes bekitilsin.
2. Qazaqstan Respýblıkasy Ishki ister mınıstrliginiń Ákimshilik polısııa komıteti (I.V. Lepeha):
1) osy buıryqty Qazaqstan Respýblıkasynyń Ádilet mınıstrliginde memlekettik tirkeýdi;
2) osy buıryqty memlekettik tirkegennen keıin kúntizbelik on kún ishinde ony merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa joldaýdy qamtamasyz etsin.
3. Oblystardyń, Astana jáne Almaty qalalary ishki ister departamentteriniń bastyqtary osy buıryqty tıisti qyzmetter qyzmetkerleriniń zerdeleýin uıymdastyrsyn jáne ony múltiksiz oryndaýdy qamtamasyz etsin.
4. Osy buıryqtyń oryndalýyn baqylaý Qazaqstan Respýblıkasy Ishki ister mınıstriniń orynbasary polısııa general-maıory E.Z.Týrgýmbaevqa júktelsin.
5. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Mınıstr polısııa general-leıtenanty Q.QASYMOV.
Qazaqstan Respýblıkasy Ishki ister mınıstriniń
2015 jylǵy 23 aqpandaǵy № 142 buıryǵyna 1-qosymsha
Jeke kúzet uıymdarynyń kúzetshi laýazymyndaǵy qyzmetkerleriniń arnaıy kıim úlgileri
1-sýret Qysqa jeńdi jeıde
2-sýret Uzyn jeńdi jeıde
3-sýret Jazǵy arnaıy kıim
4-sýret Qysqartylǵan kúrtesi bar jazǵy arnaıy kıim
5-sýret Qysqy arnaıy kıim
6-sýret Qysqartylǵan kúrtesi bar qysqy arnaıy kıim
7-sýret
Jazǵy bas kıimder
8-sýret
Qysqy bas kıimder
9-sýret Galstýk
10-sýret Qysqa jeńdi jeıde
11-sýret Uzyn jeńdi jeıde
12-sýret Bir ilme óńirli kúrte
13-sýret Shalbar
1. Arnaıy kıim
1. Jazǵy arnaıy kıim (1, 2, 3, 4, 7, 9-sýretter):
beısbolka nemese sur tústi kepı;
sur tústi kúrte;
sur tústi qysqartylǵan kúrte;
kógildir nemese aq tústi jeıde;
kógildir nemese aq tústi trıkotaj fýtbolka;
sur tústi galstýk;
sur tústi, bitiminiń tómengi jaǵy tarylǵan shalbar;
klassıkalyq modeldegi nemese qara tústi arnaıy aıaq kıim.
2. Qysqy arnaıy kıim (2, 5, 6, 8, 9-sýretter):
toqylǵan, sur nemese qara (jyly kúrteniń jaǵasymen tústes) tústi bórik;
tabıǵı jaqsartylǵan qoı terisinen nemese sur nemese qara (jyly kúrteniń jaǵasymen tústes) tústi jasandy teriden jasalǵan qulaqshyn;
sur tústi, tabıǵı jaqsartylǵan qoı terisinen nemese sur nemese qara tústi jasandy teriden jasalǵan alynatyn teri jaǵasy bar jyly kúrte sur tústi, jyly shalbarymen;
jyly, sur tústi, qysqartylǵan, tabıǵı jaqsartylǵan qoı terisinen nemese sur nemese qara tústi jasandy teriden jasalǵan alynatyn teri jaǵasy bar kúrte sur tústi, jyly jartylaı kombınezonymen;
kógildir nemese aq tústi jeıde;
kógildir nemese aq tústi trıkotaj fýtbolka;
sur tústi galstýk;
klassıkalyq modeldegi nemese arnaıy qara tústi, jyly aıaq kıim.
3. Keńse úı-jaılaryna arnalǵan arnaıy kıim (10, 11, 12, 13-sýretter):
erlerge arnalǵan kúńgirt tústi bir ilme óńirli kúrte;
tómengi jaǵy taryltylǵan kúńgirt tústi shalbar;
kógildir nemese aq tústi jeıde;
kúńgirt tústi galstýk;
klassıkalyq modeldegi qara tústi aıaq kıim.
2. Aıyrym belgileri jáne fýrnıtýra
1. Omyraý belgisi:
belginiń pishini tikburyshty, perımetri boıynsha sary tústi jıegi jáne «KÚZET» degen sary tústi jazýy bar;
belgi negiziniń túsi – sur nemese kógildir;
belginiń kólemi – 120h30 mm;
belgi jeıdelerdiń, jazǵy jáne qysqy kúrtelerdiń sol jaq omyraý qaltasynyń joǵary jaǵyna taǵylady;
belgi toqymashylyq, kesteleý, jibekpen tigý, termotransfer jolymen ázirlenedi jáne tozýǵa tózimdi bolýy tıis.
2. Arqadaǵy belgi:
belginiń pishini tikburyshty, perımetri boıynsha sary tústi jıegi jáne «KÚZET» degen sary tústi jazýy bar;
belgi jıeginiń túsi – sur nemese kógildir;
belginiń kólemi – 280h80 mm;
belgi jazǵy jáne qysqy kúrtelerdiń artqy jaǵyna japsyrylady, belginiń joǵarǵy jaǵy jaýyryn tigisi boıynsha ornalasady;
belgi toqymashylyq, kesteleý, jibekpen tigý, termotransfer jolymen ázirlenedi jáne tozýǵa tózimdi bolýy tıis.
3. Jeńdegi belgi:
pishinin, tús gammasyn, materıal jáne daıyndaý tásilin jeke kúzet uıymy belgileıdi;
belgide korporatıvtik logotıp jáne jeke kúzet uıymynyń ataýy beınelenedi;
belgi jeıdelerdiń, jazǵy jáne qysqy kúrtelerdiń sol jeńinde ıyq tigisinen 120 mm tómen japsyrylady;
Qazaqstan Respýblıkasynyń Kúzet uıymdary qaýymdastyǵy músheleriniń qyzmetkerleri úshin korporatıvtik belgisimen birdeı daıyndalǵan Qaýymdastyqtyń logotıpi bar belgini taǵýǵa bolady. Belgi jeıdeniń, jazǵy jáne qysqy kúrtelerdiń oń jeńine, sol jeńdegi belgimen deńgeıles japsyrylady.
4. Bas kıimderdegi belgiler:
toqymashylyq jolymen ázirlengen belgilerde nemese tez balqyǵysh metaldan jasalǵan kokardalarda kúzet uıymynyń korporatıvtik logotıpi bolady;
sopaqsha belginiń kólemi – kóldeneńinen 70 mm, tiginen 40 mm;
dóńgelek belginiń dıametri – 40 mm;
kokardanyń kólemi: bıiktigi – 60 mm, eni – 40 mm;
belgiler bas kıimniń aldyńǵy bóliginiń ortasyna japsyrylady.
5. Keńse úı-jaılaryna arnalǵan kıimdegi belgiler:
keńse úı-jaılaryna arnalǵan kıimniń jeńine toqymashylyq, kesteleý, jibekpen tigý, termotransfer jolymen belgi salynady jáne ol tozýǵa tózimdi bolýy tıis;
pishinin, tús gammasyn, materıalyn jáne daıyndaý tásilin jeke kúzet uıymy belgileıdi;
belgide korporatıvtik logotıp jáne jeke kúzet uıymynyń ataýy beınelenedi;
belgi jeıdelerdiń jáne kúrtelerdiń sol jeńinde ıyq tigisiniń 120 mm tómen japsyrylady.
Qazaqstan Respýblıkasy Ishki ister mınıstriniń 2015 jylǵy 23 aqpandaǵy
№ 142 buıryǵyna 2-qosymsha
Jeke kúzet uıymdarynyń kúzetshi
laýazymyndaǵy qyzmetkerleriniń arnaıy kıimdi kıip júrý qaǵıdalary
1. Kúzetshiler, júrgizýshi-kúzetshiler arnaıy kıimdi kúzetiletin obektilerde, júkterdi alyp júrý kezinde, jedel den qoıatyn utqyr toptar quramynda qyzmet ótkerý kezinde kıedi.
2. Áıelderdiń arnaıy kıimi tıisti kıim pishimi erekshelikterin eskere otyryp, jalpy eskız boıynsha tigiledi.
3. Jeke tulǵalardyń ómiri men densaýlyǵyn qylmystyq jáne ózge de quqyqqa qarsy qol suǵýshylyqtardan qorǵaý boıynsha qyzmetter kórsetý kúzet qyzmeti sýbektisine tıesiligin aıqyndaıtyn arnaıy kıimsiz júzege asyrylýy múmkin.
4. Taraptardyń kelisýi boıynsha kúzet qyzmetin kórsetý keńse úı-jaılaryna arnalǵan arnaıy kıimmen júzege asyrylady. Jazǵy ýaqytta kúrtesiz, jeńi qysqa kóılekpen qyzmet atqarýǵa jol beriledi. Kúrteniń (kóılektiń) sol jaq tós qaltasynda kúzet uıymynyń ataýy jazylǵan jáne logotıpi bar beıdj bekitiledi. Beıdjdiń ortasyna «KÚZET» degen jazý jazylady. Kúzetshiniń tegin jáne aty-jónin nemese atyn kórsetýge bolady.
5. Keńse úı-jaılaryn kúzetý boıynsha qyzmet kórsetý bas kıimsiz júzege asyrylýy múmkin.
6. Syrtqy kúzet oryndarynda qyzmet ótkeretin kúzetshiler:
qys mezgilinde aýanyń temperatýrasy tómendegen kezde – tondar (ishikter) jáne ań terisinen tigilgen ýntylar kııýge;
arnaıy kıimniń (kúrteniń) keýdesine jáne arqasyna jaryq shaǵylystyratyn jolaqtar taǵýǵa bolady.
7. Jazǵy ýaqytta kúrtesiz qysqa jeń jeıde jáne galstýk nemese jeıdeniń ornyna fýtbolka, shalbar jáne kúrte kııýge bolady.
Buıryq Qazaqstan Respýblıkasynyń Ádilet mınıstrliginde 2015 jylǵy 27 naýryzdaǵy Normatıvtik quqyqtyq kesimderdi memlekettik tirkeýdiń tizilimine №10566 bolyp engizildi.